२०८३ कार्तिक १३ गते शुक्रवार
२०८३ कार्तिक १३ गते शुक्रवार
.gif)
काठमाडौं । नेकपा एमाले अध्यक्ष केपी शर्मा ओली र नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ आगामी स्थानीय तथा प्रदेश सभा निर्वाचनमा चुनावी सहकार्य गर्ने तयारीमा जुटेका छन् ।
दुवै नेताले नेतृत्व पुनर्गठन र पार्टी महाधिवेशनलाई तत्काल प्राथमिकतामा नराखी संगठन विस्तार तथा चुनावी तयारीलाई तीव्रता दिएका छन् ।
नेकपाले आगामी ११ पुसमा वडा र १५ माघमा पालिका अधिवेशन गर्ने निर्णय गरेको छ भने केन्द्रीय महाधिवेशन स्थानीय र प्रदेश सभा निर्वाचनपछि गर्ने भएको छ । एमालेले पनि २६ मंसिरमा वडा र ४ पुसमा पालिका अधिवेशन गर्ने तयारी गरेको छ ।
यसैबीच, ओली र प्रचण्डबीच प्रदेश सरकारमा भएको सहकार्यलाई आगामी निर्वाचनसम्म विस्तार गर्ने सैद्धान्तिक समझदारी बनेको स्रोतको दाबी छ । दुवै नेताबीच टेलिफोन संवादसमेत निरन्तर भइरहेको बताइएको छ ।
एमाले र नेकपाका नेताहरूले पनि आगामी निर्वाचनमा वामपन्थी सहकार्य र चुनावी तालमेलको सम्भावनालाई सकारात्मक रूपमा लिएका छन् । यद्यपि, यसबारे दुवै पार्टीले औपचारिक निर्णय भने गरिसकेका छैनन् ।
नेताहरूका अनुसार आगामी स्थानीय तथा प्रदेश सभा निर्वाचन वामपन्थी सहकार्यको आधार तयार गर्ने अवसर बन्न सक्ने देखिएको छ ।
© 2026 All right reserved to khabarcnter.com | Site By : Sobij
