२०८३ कार्तिक १५ गते आइतवार
२०८३ कार्तिक १५ गते आइतवार
.gif)
काठमाडौं । डोल्पाको सदरमुकाम दुनैस्थित जिल्ला कारागारबाट सुरुङ खनेर ८ कैदीबन्दी फरार भएका छन्। कात्तिक १३ गते राति पर्खाल भत्काएर सुरुङ बनाउँदै उनीहरू फरार भएको प्रहरीले जनाएको छ।
घटनाको अनुसन्धान गर्न प्रहरी निरीक्षक विनय सिंहको नेतृत्वमा तीन सदस्यीय छानबिन समिति गठन गरिएको जिल्ला प्रहरी कार्यालय डोल्पाका प्रमुख डीएसपी अनिलराज गिरीले जानकारी दिए।
फरार हुनेमा कालिप्रसाद रोकाया, हरिबहादुर बुढा, यज्ञ विक, तिलक भण्डारी, रामबहादुर कामी, रेशम राना, कपिल परियार र अदेश भण्डारी रहेका छन्।
कारागारमा रहेका १७ कैदीबन्दीमध्ये ८ जना फरार भएका हुन्। उनीहरूको खोजीका लागि प्रहरी परिचालन गरिएको छ। कैदीबन्दी कसरी सुरुङ खनेर फरार हुन सफल भए भन्ने विषयमा समितिले अनुसन्धान गरिरहेको प्रहरीले जनाएको छ।
© 2026 All right reserved to khabarcnter.com | Site By : Sobij
