२०८३ कार्तिक ९ गते सोमवार
२०८३ कार्तिक ९ गते सोमवार
.gif)
काठमाडौँ । पृथ्वी राजमार्गअन्तर्गत कृष्णभीरमा पहिरो खसेर सडक पूर्ण रूपमा अवरुद्ध भएपछि निर्माण गरिएको नयाँ ट्याकको आइतबार सफल परीक्षण गरिएको छ।
नागढुङ्गा–मुग्लिन सडक योजना (पश्चिम खण्ड)का सूचना अधिकारी इन्जिनियर सचेन्द्र मिश्रका अनुसार नयाँ ट्याकको ग्रेडिङ सम्पन्न भएपछि पहिलो चरणमा खाली ग्यास बुलेट चलाएर परीक्षण गरिएको हो। परीक्षण सफल भएपछि अन्य सवारीसाधनलाई पालैपालो सञ्चालन गराइएको उनले जानकारी दिए।
कार्यस्थलमा खटिएका सहायक आवासीय इन्जिनियर अशोक देवकोटाका अनुसार नयाँ ट्याकबाट करिब ५० वटा सवारीसाधन सञ्चालन गराइसकिएको छ। उनले सोमबारदेखि उक्त स्थानमा ग्राभेल बिछ्याउने काम सुरु हुने बताए। त्यससँगै नाली निर्माण, पानी तर्काउने व्यवस्था र सडकमाथि देखिएका चिरा पुर्ने काम अघि बढाइनेछ। थप समस्या नआएमा तीन दिनभित्र काम सकेर नियमित सवारी सञ्चालन गर्ने लक्ष्य राखिएको छ।
नयाँ ट्याक करिब २५२ मिटर लामो र सात मिटर चौडा छ। पुरानो भासिएको सडकभन्दा यो ट्याक पाँचदेखि १० मिटर उचाइमा निर्माण गरिएको छ। मौसमले साथ दिएमा ३(४ दिनभित्र सम्पूर्ण काम सम्पन्न गरी सडक पूर्ण रूपमा सञ्चालनमा ल्याइने योजना छ।
© 2026 All right reserved to khabarcnter.com | Site By : Sobij
