२०८३ कार्तिक ८ गते आइतवार
२०८३ कार्तिक ८ गते आइतवार
.gif)
काठमाडौं । पूर्वप्रधान न्यायाधीश चोलेन्द्रशमशेर जबरालाई भेट्न गएको राष्ट्रिय मानव अधिकार आयोगको टोलीलाई प्रहरीले रोकेको विषयमा उपत्यका अपराध अनुसन्धान कार्यालयका प्रमुख एसएसपी सन्तोष खड्कासँग आयोगले बयान लिएको छ ।
मंगलबार पुलचोकस्थित आयोगको कार्यालयमा उपस्थित भएका एसएसपी खड्काले घटनासम्बन्धी लिखित बयान दिएका हुन् । आयोगका सहप्रवक्ता तथा उपसचिव श्यामबाबु काफ्लेले खड्कासँग लिखित बयान लिइएको जानकारी दिए ।
आइतबार प्रहरीले जबरालाई पक्राउ गरी टेकुस्थित उपत्यका अपराध अनुसन्धान कार्यालयमा राखेको थियो । जबराको अवस्थाबारे जानकारी लिन आयोगको टोली कार्यालय पुगे पनि प्रहरीले भेटघाट गर्न नदिई गेटबाटै फर्काएको थियो ।
आयोगले घटनालाई गम्भीर रूपमा लिँदै त्यसबारे अनुसन्धान अघि बढाएको थियो । सोही क्रममा अनुसन्धान कार्यालयका प्रमुख खड्कालाई बयानका लागि बोलाइएको हो । आयोगको अनुसन्धान महाशाखाले घटनासँग सम्बन्धित थप विषयमा समेत आवश्यक अनुसन्धान गरिरहेको जनाएको छ ।
© 2026 All right reserved to khabarcnter.com | Site By : Sobij
